21 ꀉꇤꏤꑳꈫꑳꇋ(ꁯꋒ)

(ꂟꌋꀊꂵ ꁦꋠ ꀉꑳꈨ)

[ꂟꌋꀊꂵꇨꆰꇨꊸꃅꉌꂵꃶꌊꇫꐺ,ꋌꀥꌌꀉꑳꈨꋮꄉꀉꑳꈧꌠꅲ.

ꀊꂵ:ꀉꑳꈧꌠꀋ,ꀉꇤꇫꐺꊊꂾꂿꀋ?

ꀉꑳ:(ꀒꆺꇤ)ꀋꂿ.

  [ꂟꌋꀊꂵꁦꋠAꄷꅲ.

ꀊꂵ:ꀉꇤꂶꌠꊌꀋꂿꀐꄹꀋ?ꇿꃹꁦꂷꉬꀋꐚꀐ.

ꁦꋠA:ꀋꂿꀒ,ꆏꋌꎷꌌꑡꃅꀒ?

ꀊꂵ:ꃅꅍꀋꐥꀒ,ꀃꑍꋋꑍꃅꊌꀋꂿꑋꉨ.

           22 ꑕꑘꏤꐷꈭ(ꁯꋒ)

         (ꂟꌋꀊꂵ  ꑕꑘꀉꂿ)

  [ꑕꑘꀉꂿꐷꈭꐺꇈ,ꂟꌋꀊꂵꇬꁖꇁ.

ꀊꂵ:ꑕꑘꀁꇬꇀꇁꀐ,ꀉꇤꂶꌠꋌꐊWꀋꐚꀉꂸ?

ꑕꑘꀉꂿ:ꑕꑘꑍꃀꑍꆹꏛꃅꑟꇁꑟꃅꀉ,ꀃꂰꆏꀋꃅꆸꈐꀋꇁꌦ,ꀉꇤꑌꇬꀋꇁꅀ?ꑞꃅꑌꐮꐊꇿꃹꁧꀋꐚꌦꀐꌠꄹ.

ꀊꂵ:hup,ꀉꑳꋋꂷꋋꑍꃅꀋꂿꑋꉨ,ꉡꆹꇿꃹꁧꀋꐚꀐꄷꌠꉨ,ꑞꃅꑌꑕꑘꍤꁆꃹꁧꀐꌠ,ꉡꆹꀋꃅꇬꎷꁧꂿꉂꌠꀋꆆ.

ꑕꑘꀉꂿ:ꋍꑊꐮꐊꇬꆹꃄꀉꁁꑞꑌꋍꑊꋌꀋꎺꑍꂷꀋꆆ,ꀊꇬꇿꈩꁧꃄꀋꐚ,ꊿꆓꀉꑳ.

            23 ꃺꐂꀁꇬ(ꁯꋒ)

               (ꑕꑘ)

  [ꑕꑘꋌꀉꄂꃺꐂꀁꇬꑌꑴꌦ,ꋍꅝꇐꀻꌠꅝꌐꀐ,ꄚꃺꐂꆹꇬꀋꇁꌦ,ꋌꎴꏸꀖꌌꄮꈉꉜꇈꄓꁧ.

            24 ꑕꑘꄰꈵꃴ(ꁯꋒꊂ)

         (ꑕꑘ  ꑕꑘꀉꂿ)

  [ꑕꑘꀁꇬꑟ,ꈵꃴꄉꋍꀉꂿꋒ.

ꑕꑘꀉꂿ:ꀉꇤꆎꐊꀞ?ꀋꂮꌌꂟꌋꀊꂵꎹꅷꇫꑟꇁꀉꂸ!

ꑕꑘ:ꀉꇤꉢꀋꐊꇆ,ꇿꁧꄷꀒ?

ꑕꑘꀉꂿ:ꆏꀋꐊꀉ?ꄚꀃꑍꋋꑍꃅꐘꀋꈨꄷꀋꂸ.

ꑕꑘ:ꋌꎼꇿꁧꑋꉬꀋ?ꀋꃅꇫꇁWꀋꐚꀐꆹꀒ?ꉢꇬꉚꒉꉏꈅ.(ꐣꁙꇔꌌꀀꅉꄉꆹ)

          25 ꀉꇤꏤꐷꈭ(ꁯꋒꊂ)

         (ꑕꑘ  ꂟꌋꀊꂵ)

[ꂟꌋꀊꂵꃮꋚꄐꇫꐺ,ꑕꑘꇫꑟꇁ.

ꑕꑘ:ꀊꂵꀋ,ꀉꇤꇀꇁꀐ?

ꀊꂵ:ꀋꇁꇆ,ꆏꀋꐊꅀ?

ꑕꑘ:ꀋꐊꇆ,ꄚꇿꃹꁦꂷꉬꂯꀋ?

ꀊꂵ:ꀊꃂꊿꆓꀉꑳ,ꀁꆏꇿꃹꁦꂷꉬꀋꐚꌦꀐꌠꄹ.(ꃵꋩꇁ)ꇿꎹꁧꀋꇂ,ꋍꈚꃹꁧꀐꌠꄹ,hup,.

ꑕꑘ:ꀋꏦꋌꇿꁧꂯꀒ,ꁦꅉꀋꐥꌠꄹ,ꉢꊿꊼꇅꅲꒉꉏꂿ.

ꀊꂵ:(ꃵꂿꏭꃅ)ꉢꇬꎷꁧꂿ.

             26 ꉷꈜꏢꇬ(ꁯꋒꊂ)

           (ꑕꑘ ꂟꌋꀊꂵ ꀉꑳꂷ)

[ꑕꑘꌋꆀꂟꌋꀊꂵꑋꇁꌊꀉꑳꂷꅲ.

ꀊꂵ:(ꌗꃀꌗꌺꐚꀋꒃ)ꀉꇤꇫꐺꂾꂿꀋ?

ꀉꑳ:ꀃꌋꆹꀂꏾꇣꌠꀒꉿꑮꉿꃅꐙꀁꆀꀊꅉꆺꄹꃪꄧꏭꈜꁧꀐ.

  [ꂟꌋꀊꂵꋌꇰꈌꉛW,ꑕꑘꑌꋌꇷꏭꃅꐙ.ꂟꌋ