ꉜꀋꑍꌦꄉꏽ,ꑞꐛꅺꀋꐚꉜꀋꑍꌦꄉꏽꀐꂼ!ꇭꁧꆸꌊꀃꃅꄉꊋꀋꑌꌐ,ꃪꎭꅑꆍꇁꌠꉠꑴꅉꐞꇁꐝꇁꃅꐙꆋꀋꃅꑟ,ꌌꄉꆅꉛꅉꇬꑌꉜꁧꋺꀐ,ꄚꆅꉛꅉꇬꑌꋍꑵꈨꋌꉜꎼꀋꇁ,ꌦꇬꐑꒉꀉꑌꇨꀐꄷꑠꈨꉉꇈꁬꋌꑌꏦꌊꅝꀐ,ꁬꋌꑌꋌꃢꅝꄉꇬꀉꉘꐚꀋꈜꇬꎷꄉꉢꋋꅝꀋꏾꀐ.ꆈꌠꀘꂾꄷꑌꈎꌋꀐ,ꀘꂾꄹꇬꀙꈌꍈꏹꑲꆀꌒꄎꄷꉉ,ꀙꈌꏷꇬꆏꃬꀮꀊꐎꂷꀉꄁꈁꄷꉉ,ꄚꑠꃅꑴꇬꉠꑴꅉꌤꃅꅉꇬꀋꆷꄉꇫꃅꑌꀋꄐꃅꇨꎈ,ꀙꈌꏷꌠꆏꊂꌒꏢꉡꆅꄷ,ꊂꌒꋋꏢꆏꆦꉢꇯꑊꑌꉆ,ꄚꉠꑴꅉꑊꑲꆏꈍꃅꌤꃅꅉꇬꌤꃅꂯ?ꅉꀕꃅꇰꋒꂷꀵꌊꌤꃅꅉꇬꐺꀋꉆ,ꑠꐛꅹꀘꂾꄹꇬꉢꏯꁦꀑꌦꀮꆦꄷ,ꁦꀑꌦꀮꆦꌠꆏꃬꀮꀊꐎꂷꎸꌊꁦꀑꁧꄩꄉꊂꌒꆦꌦꃅꌊꃅꁵꌠꄜ,ꑠꐛꅹꉢꋋꉜꀋꑍ.....
